O OESTE AMERICANO. GRANDES XEFES e GUERRAS INDIAS III

Adobe Walls é unha cidade pantasma no estado de Texas. En 1843 estableceuse como un posto comercial para os cazadores de bisontes. É o escenario de dúas batallas decisivas entre os Estados Unidos e os nativos americanos das chairas do Sur. A primeira batalla de Adobe Walls foi en 1864, os nativos americanos repeleron con éxito ás tropas atacantes lideradas polo coronel Kit Carson. A misión deste era atopar os campamentos de inverno dos Comanches, Kiowas, Cheyennes do sur e Arapahoes do sur para eliminar esta ameaza dos colonos que estaban a chegar a Texas.

Black kettle (Tetera Negra) xefe dos Cheyennes do Sur participou nesta batalla e sucesivas, a súa vida transcorreu asinando multitude de tratados e incumpridos sistematicamente por parte do goberno de Estados Unidos.

En 1861 asinou xunto cos arapahoes o Tratado de Fort Wise co goberno dos Estados Unidos. En 1863 visitaron Washington D. C. e recibiron unha bandeira estadounidense en sinal de amizade. Con todo a finais de novembro de 1864 o coronel estadounidense Jonh Chivington e 700 soldados voluntarios atacaron un campamento Chyenne e Arapahoe en Sand Creek. O ruído do galope dos cabalos ao amencer fixo que centos de nativos fuxisen dos seus tipis, sendo asasinados a tiros mentres corrían. Algúns soldados mutilaron cadáveres e saquearon o campamento. O sitio histórico nacional do Masacre de Sand Creek conmemoran a todos os que pereceron e sobreviviron a este horrible masacre.

En outubro de 1865 os Arapahoes, Cheyennes, Comanches e Kiowas asinaron os tratados de Little Arkansas River preto da actual Wichita en Kansas. Segundo os termos dos tratados, as tribos debían ceder a súa terra ao norte do río Arkansas a cambio de reservas e pagos anuais durante 40 anos.

As reservas nunca se crearon e a guerra continuou ata o Tratado de Medicine Lodge.

En 1867asínanse os tratados entre o goberno dos Estados Unidos e as tribos das chairas do sur. O 21 de Outubro asinouse o tratado cos Kiowas e Comanches, ese mesmo día asinouse cos Apaches; o 28 de Outubro asinouse cos Cheyenne do Sur e os Arapahoes do Sur. O marcador histórico, erixido no ano 2012 polo Estado de Kansas, indica o seguinte: En Medicine Lodge Creek, en 1867, uns 15.000 Apaches, Kiowas, Comanches, Arapahoes e Cheyennes, reuníronse con sete membros dunha comisión de paz escoltados polo exército dos Estados Unidos, levou a cabo uno dos consellos de Paz máis grandes do país. As nacións nativas escolleron este sitio cerimonial para celebrar este Consello que durou case dúas semanas.

Os xefes Satanta (Oso Blanco), Little Raven (Cuervo Pequeno) e Black Kettle (Tetera Negra), deron discursos, celebraron cerimonias e entraron en negociacións. Producíronse tres tratados, en cada un deles reduciuse o tamaño das súas terras, o que permitiu a construción de ferrocarrís.

Asinaron os tratados sen o apoio popular, outros malinterpretaron os acordos e máis tarde algúns dos xefes renunciaron a eles.

Tetera Negra sempre foi partidario de negociar a pesar dos masacres sufridos polo seu pobo. Cando os acordos fracasaron, o goberno respondeu coa forza. A forma en que lle recompensaron foi repetindo o masacre no ano 1868 en Washita. Foi o combate principal na Guerra que facilitou a expansión occidental. Perpetrouna un tipo chamado Custer seguindo as instrucións do xeneral Sheridan quen dixo: “os únicos indios bos que coñecín estaban mortos”. Os exploradores localizaron a aldea Cheyenne. Custer despregou o seu exército para rodear a aldea, e ao amencer atacou aos Cheyennes que durmían. Entre os mortos, descoñécese o número, incluíanse Black Kettle e a súa esposa.

Os Cheyennes do Norte non se libraron, pois tamén sufriron a batalla de Dull Knife (Coitelo Desafilado). Na que o exército destrúe o seu campamento.

“Veño dicir que os Kiowas e Comanches fixeron convosco a paz, e a nosa intención é mantela. Se trae prosperidade a nós, vai parecer mellor”– Satanta, xefe Kiowa.en Medicine Lodge Creek

Satanta (Oso Blanco) xefe Kiowa, naceu nos anos 20 do século XIX. Non se sabe con exactitude o lugar. A pesar de ser un dos asinantes do Tratado de Medicine Lodge, as condicións atopadas na reserva na que quedou confinado (actual Oklahoma) levoulle a realizar incursións contra os colonos. En 1871, foi acusado de asasinato, en pleno xuízo, enfrontouse á corte que o xulgaba: “se me matades arderá toda a pradería, será un lume terrible”

O gobernador de Texas consciente da realidade das súas palabras o indultó a cambio da súa reclusión para sempre. Dous anos máis tarde polo perigo de levantamento Kiowa obrigou á súa posta en liberdade.

Satanta tomou parte con medio milleiro de Kiowas, uníndose aos Comanches (liderados por Quanah Parker), Cheyennes e Arapahoes na segunda batalla de Adobe Wells en 1874 Capituló en outubro do mesmo ano. Incapaz de soportar un futuro privado de liberdade, suicidouse tirándose de cabeza desde unha alta xanela da enfermería da prisión na que estaba recluído.

O xefe Arapahoe Little Raven outro que tamén asinou os tratados (anteriormente citados) xunto cos Cheyennes, Kiowas e Comanches. Aceptou o tratado de Medicine Lodge e asinouno unha vez que os Cheyennes asinárano. O tratado asignou aos Arapahoe do Sur unha reserva entre os ríos Arkansas e Cimarrón (Oklahoma).

Little Raven naceu nas Grandes Chairas centrais aproximadamente en 1810, morreu en 1889. Foi desde 1855 ata o ano da súa morte, xefe principal dos Arapahoes do Sur. Negociou a paz entre os Arapahoe e Cheyenne con outras tribos (Kiowa, Comanche e Apache) . Converteuse nun líder progresista coñecido pola súa gran aparencia e habilidades de oratoria.

“Será moi difícil deixar o país que deunos Deus. Os nosos amigos están enterrados alí e odiamos deixar estes terreos. Hai algo forte para nós, esa estúpida banda de soldados que limpou as nosas casas de campo e matou as nosas mulleres e nenos. Isto é duro para nós. Alí, en Sand Creek moitos xefes xacen alí, as nosas mulleres e nenos xacen alí. As nosas cabanas foron destruídas alí, e os nosos cabalos fóronnos quitados alí, e non síntome disposto a ir directamente a un novo país e deixalos”

Little Raven na firma do Tratado de Little Arkansas